రోజులో ఉదయపు ఆహారం మానేయడం వల్ల ఊబకాయం, అధిక కొలెస్ట్రాల్ స్థాయిలు మరియు రక్తపోటు పెరగవచ్చు, ఇది గుండె జబ్బులకు కారణం కావచ్చు.
చాలా ఇళ్లలో ఉదయాన్నే సాధారణంగా గందరగోళంగా ఉంటుంది. అలారమ్‌ని చాలా సార్లు స్నూజ్ చేసిన తర్వాత, మీరు పని కోసం బయలుదేరడానికి లేచి, ఆపై అంతులేని ట్రాఫిక్ మధ్య ఆఫీస్‌కి వెళ్లే వరకు, ఆరోగ్యకరమైన అల్పాహారం అనేది మనకు మనస్సులో చివరిగా గుర్తుకొస్తుంది. జీవితంలోని హడావిడి మధ్య అల్పాహారం మానేయడం సర్వసాధారణంగా మారింది. అయితే ఇలా వరుసగా అల్పాహారం మానేయడం వల్ల ఆరోగ్యంపై దుష్ప్రభావం చూపుతుందని నిపుణులు చెబుతున్నారు.
అల్పాహారం రోజులో అత్యంత ముఖ్యమైన భోజనంగా పరిగణించబడుతుంది మరియు అనేక అధ్యయనాలు అల్పాహారం మానేయడం వలన గుండె సమస్యల ప్రమాదం పెరుగుతుందని సూచించాయి.
అల్పాహారం ఎందుకు చాలా ముఖ్యమైనది?
హైదరాబాద్‌లోని న్యూట్రిక్లినిక్ వ్యవస్థాపకురాలు మరియు కన్సల్టెంట్ న్యూట్రిషనిస్ట్ దీపా అగర్వాల్ మాట్లాడుతూ, “మెటబాలిజం మెరుగుపరచడం మరియు శక్తిని అందించడంతోపాటు, అల్పాహారం జ్ఞాపకశక్తిని మరియు ఏకాగ్రతను కూడా పెంచుతుంది. ఇది లో-డెన్సిటీ లిపోప్రొటీన్ [LDL] స్థాయిలను తగ్గించడంలో సహాయపడుతుంది, జీవితంలో ప్రారంభంలో మధుమేహం మరియు గుండె సమస్యల సంభవనీయతను తగ్గిస్తుంది మరియు బరువు తగ్గడంలో సహాయపడుతుంది. ఇది కండరాలు మరియు మెదడు పనితీరుకు అవసరమైన బ్లడ్ షుగర్‌ను కూడా తిరిగి నింపుతుంది” అని అన్నారు.
హైదరాబాద్‌లోని ఫుడ్ సైంటిస్ట్ మరియు సీనియర్ న్యూట్రిషన్ కన్సల్టెంట్ జ్యోతి చాబ్రియా మాట్లాడుతూ, అల్పాహారం శరీరాన్ని కిక్‌స్టార్ట్ చేయడానికి సహాయపడుతుంది. అల్పాహారం స్కిప్ చేయడం వల్ల మీ మెటబాలిజంను మందగింపచేస్తుంది, ఇది బరువు పెరగడానికి దారితీస్తుంది. “మీరు బరువు పెరిగినప్పుడు, మీ కొలెస్ట్రాల్ మరియు ట్రైగ్లిజరైడ్ స్థాయిలు కూడా పెరుగుతాయి, ఇది ధమనులలో బ్లాక్స్‌కు కారణమవుతుంది. అది గుండెపై ప్రభావం చూపుతుంది’’ అని జాతీయ అవార్డు గ్రహీత పోషకాహార నిపుణురాలు చాబ్రియా చెప్పారు.
అల్పాహారం మానేయడం వల్ల వచ్చే ప్రమాదాలు
2019లో అమెరికన్ కాలేజ్ ఆఫ్ కార్డియాలజీ జర్నల్‌లో ప్రచురించబడిన ఒక సమన్వయ అధ్యయనం USలోని మూడవ జాతీయ ఆరోగ్య మరియు పోషకాహార పరీక్షల సర్వే (NHANES III)లో భాగంగా 6,550 మంది పెద్దలను అంచనా వేసింది మరియు అల్పాహారం(ఉదయపు ఆహారం) మానేసిన వ్యక్తులలో అథెరోస్క్లెరోసిస్ రావడానికి మరియు గుండెపోటు లేదా స్ట్రోక్‌తో చనిపోయే అవకాశాలు ఎక్కువగా ఉన్నాయని కనుగొన్నారు.
USలోని అర్బానాలోని OSF హెల్త్‌కేర్ కార్డియోవాస్కులర్ ఇన్‌స్టిట్యూట్‌లోని ఇంటర్వెన్షనల్ కార్డియాలజిస్ట్ డాక్టర్ అలా ఉజయ్‌లీ మాట్లాడుతూతూ, “దీర్ఘకాలిక ఆహారపు అలవాట్లను కలిగి ఉన్న వ్యక్తులు అల్పాహారాన్ని మానివేస్తారు, ఆకలితో ఉంటారు మరియు తరువాత అధిక కేలరీల ఆహారాలను ఎక్కువగా తినడం లేదా అతిగా తింటారు. దీని ఫలితంగా శరీర బరువు మరియు రక్తపోటు పెరుగుతాయి, ఇవి హృదయనాళ పరిస్థితులకు ప్రమాద కారకాలు అవుతాయి అని అన్నారు.
ఇల్లినాయిస్‌కు చెందిన కార్డియాక్ నర్సు ప్రాక్టీషనర్ అయిన అంబర్ కింగ్రీ, అల్పాహారం మానేస్తే చెడు ఆహారపు అలవాట్లకు దారితీస్తుందని చెప్పారు. అల్పాహారం మానివేసే వ్యక్తులు తక్కువ ఫిజికల్ యాక్టివిటీ మరియు శక్తి కలిగి ఉంటారని, రాత్రి భోజనం సక్రమంగా తినకుండా, తరచుగా అల్పాహారం తీసుకుంటారని, అలాగే అనారోగ్యకరమైన మరియు ప్రాసెస్ చేసిన మాంసాలను తింటారని అధ్యయనాలు చెబుతున్నాయని ఆమె అన్నారు. ఉదయపు ఆహారం మానేయడం వల్ల శరీరానికి ఈ విధంగా కీడు జరుగుతుంది.
భోజనం స్కిప్ చేయడం మరియు నామమాత్రంగా ఉపవాసం ఉండడం
అకాడెమీ ఆఫ్ న్యూట్రిషన్ అండ్ డైటెటిక్స్ జర్నల్‌లో ఇటీవల ప్రచురించబడిన ఒక అధ్యయనం ప్రకారం, అల్పాహారం దాటవేయడం వల్ల హృదయనాళ పరిస్థితుల కారణంగా మరణించే ప్రమాదం ఎక్కువగా ఉంటుంది. హ్యాపీయెస్ట్ హెల్త్‌తో ఈ-మెయిల్ ఇంటరాక్షన్‌లో, అధ్యయనం యొక్క US-ఆధారిత ప్రధాన రచయిత డాక్టర్ యాంగ్‌బో సన్, ఈ అధ్యయనం భోజనాన్ని స్కిప్ చేయడం గురించి, నామమాత్రంగా ఉపవాసం కోసం కాదు అని చెప్పారు.
“భోజనం స్కిప్ చేయడం మరియు నామమాత్రంగా ఉపవాసం రెండు విభిన్న భావనలు” అని అయన స్పష్టం చేశారు.
నామమాత్రంగా ఉపవాసం అనేది పరిమిత సమయ-ఆధారంగా చేసి భుజించే పద్దతిి, ఇది అన్ని ఆహారాలు మరియు క్యాలరీ-కలిగిన పానీయాలను రోజుకు ఒక నిర్ధిష్ట సమయానికి [ఉదాహరణకు, ఎనిమిది గంటలు] పరిమితం చేస్తుంది. అయినప్పటికీ, మా అధ్యయనంలో భోజనం స్కిప్ చేయడం అనేది పాల్గొనేవారు ‘భోజనాలను‘ స్కిప్ చేస్తున్నట్లు నివేదించారు, అంటే వారు నిర్దిష్ట లేదా అధిక భోజనాలను స్కిప్ చేసి ఉండవచ్చు, కానీ ఏదో ఒక సమయంలో స్నాక్స్ తిని ఉండవచ్చు. అందువల్ల, మా అధ్యయనాన్ని నామమాత్రంగా ఉపవాసం ఉండడంతో నేరుగా పోల్చలేము.
శరీరాన్ని నిర్విషీకరణ చేయడానికి నామమాత్ర ఉపవాసం మంచిదే అయినప్పటికీ, మెరుగైన ఆరోగ్యం కోసం రోజంతటిలో ఆరు సార్లు అతితక్కువ మొత్తంలో తినాలని తాను వ్యక్తిగతంగా సిఫార్సు చేస్తున్నానని చాబ్రియా చెప్పారు.
మధుమేహం లేదా గుండె సమస్యలు వంటి కొమొర్బిడిటీలు ఉన్నవారు తమ కేలరీలను క్రమబద్ధీకరించుకోవాలని డాక్టర్ ఉజయ్‌లీ చెప్పారు. “ఇతర ఆరోగ్యకరమైన వ్యక్తుల కోసం, మీరు మీ శరీరంతో సహకరించాలని నేను నమ్ముతున్నాను. మీకు ఉదయం 9 గంటలకు ఆకలి వేస్తుంది అంటే, ఉదయం 7 గంటలకే తిని ఆకలిని ముందుగానే తగ్గించుకోవడం మరియు మీ మెదడు మిమ్మల్ని అతిగా తినడానికి ప్రేరేపించడానికి ముందే మీకు కావలసిన కేలరీలను తీసుకోవడం మంచిది,” అని ఆయన చెప్పారు.
గుండెకు ఆరోగ్యకరమైన అల్పాహారం
పోషకాలతో నిండిన గుండెకు ఆరోగ్యకరమైన అల్పాహారం తినడం రోజు ప్రారంభంలో మీ హృదయాన్ని ఉత్తేజపరిచేందుకు గొప్ప మార్గం అని డాక్టర్ అగర్వాల్ చెప్పారు. ఐదు ఆహార సమూహాలు (పండ్లు, కూరగాయలు, ధాన్యాలు, ప్రోటీన్ ఆహారాలు మరియు పాల ఉత్పత్తులు)లో ప్రతి దాని నుండి పూర్తి మరియు ప్రాసెస్ చేయని ఆహారాలను ఎంచుకోవాలని ఆమె సలహా ఇచ్చారు, అవి ఈ కింది వీటిలో ఉంటాయి:
- గుడ్లు, గ్రీక్ పెరుగు రకాలు (తక్కువ చక్కెరతో) మరియు ప్రోటీన్ కోసం చిక్కుళ్ళు
- ఆరోగ్యకరమైన కొవ్వు కోసం గింజలు, ఆలివ్ నూనె మరియు అవకాడో
- ఫైబర్ మరియు పిండి పదార్ధాల కోసం తృణధాన్యాలు, కూరగాయలు మరియు పండ్లు
గుండెకు ఆరోగ్యకరమైన అల్పాహారం వండడానికి సమయం దొరకని వారు కనీసం వారి మెటబాలిజంను కిక్‌స్టార్ట్ చేయడానికి గింజలు లేదా కొన్ని పండ్లు వంటి ఇతర ప్రత్యామ్నాయాలను ఉపయోగించవచ్చని చాబ్రియా చెప్పారు. ఖాళీ కడుపుతో ఎప్పుడూ వెళ్లవద్దని ఆమె సిఫార్సు చేసారు. ఆమె అమెరికన్ రచయిత అడెల్లె డేవిస్‌ను కోట్ చేస్తూ, “అల్పాహారం రాజులా తినండి, మధ్యాహ్న భోజనం యువరాజులాగా మరియు రాత్రి భోజనం పేదవాడిలాగా తినండి” అని అన్నారు.
గుర్తుంచుకోవలసినవి
- వరుసగా అల్పాహారం స్కిప్ చేయడం వల్ల గుండె జబ్బులు వచ్చే ప్రమాదం ఎక్కువగా ఉంటుంది.
- అల్పాహారం మానేయడం వల్ల స్థూలకాయం, అధిక కొలెస్ట్రాల్ స్థాయి, పేద ఆహార వినియోగం మరియు రక్తపోటు పెరగడం వంటివి గుండె పరిస్థితులకు ప్రమాద కారకాలు అని నిపుణులు అంటున్నారు.
- గుండెకు ఆరోగ్యకరమైన అల్పాహారం తీసుకోవడం అనేది రోజు ప్రారంభంలో మీ హృదయాన్ని ఉత్తేజపరిచేందుకు ఒక గొప్ప మార్గం.
