2020 ರ ಮೊದಲಾರ್ಧದಲ್ಲಿ ಕರೋನವೈರಸ್ ಸಾಂಕ್ರಾಮಿಕ ಸಮಯದಲ್ಲಿ ಅಸ್ಟ್ರಾಜೆನೆಕಾ ಕಂಪನಿ ಯಶಸ್ವಿಯಾಗಿ ಕೋವಿಡ್ -19 ಲಸಿಕೆಯನ್ನು ವೇಗವಾಗಿ ತಯಾರಿಸಿತ್ತು. ಬೇಡಿಕೆಯ ಕುಸಿತದ ನಂತರ “ವಾಣಿಜ್ಯ ಕಾರಣಗಳನ್ನು” ಉಲ್ಲೇಖಿಸಿ ಮಾರಣಾಂತಿಕ ಸಾಂಕ್ರಾಮಿಕ ರೋಗದಲ್ಲಿ ಮೊದಲ ಬಾರಿಗೆ ಉತ್ಪಾದಿಸಲಾದ ಕೋವಿಡ್ ಲಸಿಕೆ ವ್ಯಾಕ್ಸೆವ್ರಿಯಾವನ್ನು ಹಿಂತೆಗೆದುಕೊಳ್ಳುವುದಾಗಿ ಆಂಗ್ಲೋ-ಸ್ವೀಡಿಷ್ ಡ್ರಗ್ ಮೇಕರ್ ಆಸ್ಟ್ರಾಜೆನೆಕಾ ಬುಧವಾರ ಹೇಳಿಕೆ ನೀಡಿದ್ದಾರೆ.
“ಅನೇಕ ವೇರಿಯಂಟ್ ಕೋವಿಡ್-19 ಲಸಿಕೆಗಳನ್ನುಈಗಾಗಲೇ ಅಭಿವೃದ್ಧಿಪಡಿಸಲಾಗಿದ್ದು, ಲಭ್ಯವಿರುವ ನವೀಕರಿಸಿದ ಲಸಿಕೆಗಳು ಲಭ್ಯವಿದೆ. ಇದರಿಂ ವ್ಯಾಕ್ಸ್‌ಜೆವ್ರಿಯಾಕ್ಕೆ ಬೇಡಿಕೆಯಲ್ಲಿ ಕುಸಿತ ಕಂಡಿದೆ. ಹಾಗಾಗಿ ಅದನ್ನು ಇನ್ನು ಮುಂದೆ ತಯಾರಿಸಲಾಗುವುದಿಲ್ಲ ಅಥವಾ ಸರಬರಾಜು ಮಾಡಲಾಗುವುದಿಲ್ಲ ”ಎಂದು ಅಸ್ಟ್ರಾಜೆನೆಕಾ ವಕ್ತಾರರು ಹೇಳಿಕೆಯಲ್ಲಿ ತಿಳಿಸಿದ್ದಾರೆ.
“ಈ ಎಡಿಷನ್ ಮತ್ತು ಕೋವಿಡ್ -19 ಸಾಂಕ್ರಾಮಿಕಕ್ಕೆ ಮಹತ್ವದ ಕೊಡುಗೆಯನ್ನು ನೀಡಿದ ಅಧ್ಯಾಯವನ್ನು ನಾವು ಮುಕ್ತಾಯಗೊಳಿಸಲು ಬಯಸುತ್ತೇವೆ ಮತ್ತು ಸ್ಪಷ್ಟವಾದ ಹಾದಿಯಲ್ಲಿ ಮುನ್ನಡೆಯಲು ನಾವು ಈಗ ನಿಯಂತ್ರಕರೊಂದಿಗೆ ಮತ್ತು ನಮ್ಮ ಪಾಲುದಾರರೊಂದಿಗೆ ಕೆಲಸ ಮಾಡುತ್ತೇವೆ.” ಎಂದು ತಿಳಿಸಿದ್ದಾರೆ.
2020 ರ ಮೊದಲಾರ್ಧದಲ್ಲಿ ಸ್ಫೋಟಗೊಂಡ ಕರೋನವೈರಸ್ ಸಾಂಕ್ರಾಮಿಕ ಸಮಯದಲ್ಲಿ ಅಸ್ಟ್ರಾಜೆನೆಕಾ ಯಶಸ್ವಿಯಾಗಿ ಕೋವಿಡ್ -19 ಲಸಿಕೆಯನ್ನು ಅನ್ನು ವೇಗವಾಗಿ ತಯಾರಿಸಿತ್ತು. ಆಕ್ಸ್‌ಫರ್ಡ್ ವಿಶ್ವವಿದ್ಯಾನಿಲಯದ ಜೊತೆಗೆ ಸೇರಿ ಅಭಿವೃದ್ಧಿಪಡಿಸಿದ ವ್ಯಾಕ್ಸ್‌ಜೆವ್ರಿಯಾವನ್ನು ಮೊದಲಿಗೆ ಯಾವುದೇ ಲಾಭಾಂಶವಿಲ್ಲದೇ ನೀಡಲಾಗಿತ್ತು ಆದರೆ ಅಸ್ಟ್ರಾ 2021 ರ ಕೊನೆಯಲ್ಲಿ ಅದನ್ನು ಲಾಭಕ್ಕಾಗಿ ಮಾರಾಟ ಮಾಡಲು ನಿರ್ಧರಿಸಿತ್ತು.
ಕ್ರಮೇಣ ಜಗತ್ತು mRNA ಲಸಿಕೆಗಳ ಕಡೆಗೆ ತಿರುಗಿತು. ಅದರಲ್ಲೂ ವಿಶೇಷವಾಗಿ US ಔಷಧಗಳ ದೈತ್ಯ ಫಿಜರ್ ಮತ್ತು ಜರ್ಮನ್ ಪೀರ್ BioNTech ಉತ್ಪಾದಿಸಿದ, ಅಸ್ಟ್ರಾನ ಜಬ್‌ನೊಂದಿಗೆ ಅಪರೂಪದ ರಕ್ತ ಹೆಪ್ಪುಗಟ್ಟುವಿಕೆ ಸಮಸ್ಯೆಗಳಾಗುತ್ತಿವೆ ಎನ್ನುವ ಅನುಮಾನದ ನಂತರ ಅದನ್ನು ತೆಗೆದುಕೊಳ್ಳುವ ಬಗ್ಗೆ ಸಾರ್ವಜನಿಕರಲ್ಲಿ ಹಿಂಜರಿಕೆ ಹೆಚ್ಚಾಯಿತು.
ಜಾಗತಿಕವಾಗಿ ಕೋವಿಡ್ ನಿರ್ಬಂಧಗಳನ್ನು ವಿಶ್ವಾದ್ಯಂತ ಸಂಪೂರ್ಣವಾಗಿ ತೆಗೆದುಹಾಕಿದ್ದರಿಂದ ಮಾರಾಟವು ಮತ್ತಷ್ಟು ಕುಸಿಯಿತು. ಜೊತೆಗೆ ಈಗ ಜಾಗತಿಕವಾಗಿ ಕೋವಿಡ್ ಭಯಮುಕ್ತವಾಗಿದ್ದು ಮತ್ತೊಂದು ಪ್ರಾಮುಖ ಕಾರಣವಾಯ್ತು.
ಆಸ್ಟ್ರಾಜೆನೆಕಾ ವಕ್ತಾರರ ಹೇಳಿಕೆಯ ಪ್ರಕಾರ ಈಗಾಗಲೇ ಯುರೋಪ್ ಒಕ್ಕೂಟ, ಮಧ್ಯಪ್ರಾಚ್ಯ ಮತ್ತು ಆಫ್ರಿಕಾ (ಇಎಂಎ) ಪ್ರದೇಶದಲ್ಲಿ ಮಾರುಕಟ್ಟೆಯಿಂದ ಲಸಿಕೆಯನ್ನು ತೆಗೆದುಹಾಕುವ ಪ್ರಕ್ರಿಯೆ ಪ್ರಾರಂಭವಾಗಿದೆ.
ವ್ಯಾಕ್ಸೆವ್ರಿಯಾ ಲಸಿಕೆಗೆ ಯಾವುದೇ ಭವಿಷ್ಯದ ವಾಣಿಜ್ಯ ಬೇಡಿಕೆ ಬರುವ ನಿರೀಕ್ಷೆ ಇಲ್ಲದಿರುವುದರಿಂದ ಮಾರುಕಟ್ಟೆಯ ಅಧಿಕೃತ ಹಿಂಪಡೆಯುವಿಕೆಯನ್ನು ಪ್ರಾರಂಭಿಸಲು ಕಂಪನಿಯು ಜಾಗತಿಕವಾಗಿ ಇತರ ನಿಯಂತ್ರಕರೊಂದಿಗೆ ಕೆಲಸ ಮಾಡುತ್ತದೆ. ವಕ್ತಾರರ ಅಂದಾಜಿನ ಪ್ರಕಾರ, “ಬಳಕೆಯ ಮೊದಲ ವರ್ಷದಲ್ಲಿಯೇ 6.5 ಮಿಲಿಯನ್‌ಗಿಂತಲೂ ಹೆಚ್ಚು ಜೀವಗಳನ್ನು ಉಳಿಸಲಾಗಿದೆ” ಮತ್ತು ಜಾಗತಿಕವಾಗಿ ಮೂರು ಶತಕೋಟಿ ಡೋಸ್‌ಗಳನ್ನು ಪೂರೈಸಲಾಗಿದೆ.
“ನಮ್ಮ ಪ್ರಯತ್ನಗಳನ್ನು ಪ್ರಪಂಚದಾದ್ಯಂತದ ಸರ್ಕಾರಗಳು ಗುರುತಿಸಿವೆ ಮತ್ತು ಜಾಗತಿಕ ಸಾಂಕ್ರಾಮಿಕ ರೋಗವನ್ನು ಕೊನೆಗೊಳಿಸುವ ನಿರ್ಣಾಯಕ ಅಂಶವೆಂದು ವ್ಯಾಪಕವಾಗಿ ಪರಿಗಣಿಸಲಾಗಿದೆ. ಜಾಗತಿಕ ಸಾಂಕ್ರಾಮಿಕ ರೋಗವನ್ನು ಕೊನೆಗೊಳಿಸುವಲ್ಲಿ ವಕ್ಸೆವ್ರಿಯಾ ವಹಿಸಿದ ಪಾತ್ರದ ಬಗ್ಗೆ ನಾವು ವಿಪರೀತ ಹೆಮ್ಮೆಪಡುತ್ತೇವೆ” ಎಂದು ವಕ್ತಾರರು ಹೇಳಿದ್ದಾರೆ.
