ಅನ್ಯೋನ್ಯತೆ ಮತ್ತು ಆರೋಗ್ಯಕರ ಲೈಂಗಿಕ ಜೀವನದ ವಿಷಯದಲ್ಲಿ ಆಕರ್ಷಣೆ, ದೈಹಿಕ ಮತ್ತು ಭಾವನಾತ್ಮಕ ಬಂಧ ಸೂಕ್ಷ್ಮ ಸಮತೋಲನದಲ್ಲಿದೆ. ಆದರೆ ಆರೋಗ್ಯಕರ ಲೈಂಗಿಕ ಜೀವನದಲ್ಲಿ ವೈಯಕ್ತಿಕ ನೈರ್ಮಲ್ಯವು ಪ್ರಬಲವಾದ ಕಾಮೋತ್ತೇಜಕವಾಗಬಹುದು. ನಿಮ್ಮ ದೇಹದ ಸುವಾಸನೆಯು ನಿಮ್ಮ ಸಂಗಾತಿಯನ್ನು ಅನ್ಯೋನ್ಯತೆಯ ಕಡೆಗೆ ಆಕರ್ಷಿಸಬಹುದು. ಅದೇ ಆಹ್ಲಾದಕರ ವಾಸನೆಯು ವಾಸನೆಯಾಗಿ ಮಾರ್ಪಟ್ಟರೆ, ಅದು ನಿಮ್ಮ ಲೈಂಗಿಕ ಜೀವನದ ಮೇಲೆ ಹೇಗೆ ಪರಿಣಾಮ ಬೀರುತ್ತದೆ ಎಂಬುದು ತಲೆಕೆಡಿಸಿಕೊಳ್ಳಬೇಕಾದ ವಿಷಯ. ಅಲ್ಲದೇ ವೈಯಕ್ತಿಕ ನೈರ್ಮಲ್ಯವನ್ನು ದೀರ್ಘಕಾಲದವರೆಗೆ ನಿರ್ಲಕ್ಷಿಸಿದರೆ ಸೋಂಕಿನ ಸಾಧ್ಯತೆ ಹೆಚ್ಚಿ, ತೀವ್ರತರವಾದ ಪ್ರಕರಣಗಳಲ್ಲಿ ಬಂಜೆತನಕ್ಕೆ ಕಾರಣವಾಗಬಹುದು.
ಆರೋಗ್ಯಕರ ಲೈಂಗಿಕ ಜೀವನಕ್ಕಾಗಿ ವೈಯಕ್ತಿಕ ನೈರ್ಮಲ್ಯ ಹೇಗೆ ಸಹಾಯ ಮಾಡುತ್ತದೆ
ತಜ್ಞರು ಕೆಲವು ಸಲಹೆಗಳನ್ನು ಹಂಚಿಕೊಂಡಿದ್ದಾರೆ. ನಿಮಗೆ ಅದು ಈಗಾಗಲೇ ತಿಳಿದಿರಬಹುದು ಅಥವಾ ನಿರ್ಲಕ್ಷಿಸಿರಬಹುದು.
-
ತಣ್ಣನೆಯ ಶವರ್ ಕಾಮವನ್ನು ಹೆಚ್ಚಿಸುತ್ತದೆ
ತಣ್ಣನೆಯ ಶವರ್ ಟೆಸ್ಟೋಸ್ಟೆರಾನ್ ಉತ್ಪಾದನೆ, ಕಾಮಾಸಕ್ತಿ ಮತ್ತು ಒಟ್ಟಾರೆ ಶಕ್ತಿಯನ್ನು ಹೆಚ್ಚಿಸುತ್ತದೆ ಎಂದು ಮೊಹ್ಸಿನ್ ಹೇಳುತ್ತಾರೆ. ಅಮೆರಿಕನ್ ಜರ್ನಲ್ ಆಫ್ ಮೆನ್ಸ್ ಹೆಲ್ತ್ನಲ್ಲಿ ಪ್ರಕಟವಾದ ಅಧ್ಯಯನದ ಪ್ರಕಾರ ತಣ್ಣೀರಿನ ಇಮ್ಮರ್ಶನ್ ಪುರುಷರ ಟೆಸ್ಟೋಸ್ಟೆರಾನ್ ಮಟ್ಟದಲ್ಲಿ ಐದು ಶೇಕಡಾ ಹೆಚ್ಚಳವನ್ನು ತೋರಿಸಿದೆ.
-
ಸಡಿಲವಾದ ಬಟ್ಟೆಗಳನ್ನು ಧರಿಸಿ
“ಬೆವರುವ ಜಾಗಗಳಲ್ಲಿ ಬ್ಯಾಕ್ಟೀರಿಯಾ ಮತ್ತು ಯೀಸ್ಟ್ ಸಂತಾನೋತ್ಪತ್ತಿಯಾಗುವ ಸಾಧ್ಯತೆ ಹೆಚ್ಚು. ಆದ್ದರಿಂದ ಬಿಗಿಯಾದ ಒಳ ಉಡುಪು ಅಥವಾ ಪ್ಯಾಂಟಿಹೌಸ್ಗಳಿಗಿಂತ ಸಡಿಲವಾದ ಹತ್ತಿ ಬಟ್ಟೆಗಳನ್ನು ಧರಿಸುವುದು ಉತ್ತಮ ಆಯ್ಕೆ. ಅವು ಗಾಳಿಯಾಡಲು ಮತ್ತು ತೇವಾಂಶವನ್ನು ಹೀರಿಕೊಳ್ಳಲು ಸಹಾಯ ಮಾಡುತ್ತವೆ ” ಎಂದು ಸಲುಜಾ ಹೇಳುತ್ತಾರೆ.
ಹಾಸಿಗೆಯಲ್ಲಿರುವಾಗ ಒಳಉಡುಪುಗಳನ್ನು ಧರಿಸದಿರುವುದು ಉತ್ತಮ ಆಯ್ಕೆಯಾಗಿದೆ ಎಂದು ಮೊಹ್ಸಿನ್ ಹೇಳುತ್ತಾರೆ.
-
ಹೆಚ್ಚು ನೀರನ್ನು ಕುಡಿಯಿರಿ
ಇಬ್ಬರೂ ತಜ್ಞರ ಪ್ರಕಾರ ಲೈಂಗಿಕತೆಯ ಮೊದಲು ನಿಮ್ಮ ಮೂತ್ರಕೋಶವನ್ನು ಖಾಲಿ ಮಾಡುವುದು ಉತ್ತಮ ಅಭ್ಯಾಸವಾಗಿದೆ. ನಂತರದಲ್ಲಿ ಬ್ಯಾಕ್ಟೀರಿಯಾಗಳು ನಿಮ್ಮ ಮೂತ್ರನಾಳಕ್ಕೆ (ಮೂತ್ರವನ್ನು ದೇಹದಿಂದ ಹೊರಕ್ಕೆ ಸಾಗಿಸುವ ಟ್ಯೂಬ್) ಪ್ರವೇಶಿಸಬಹುದು. ಇದು ಸೋಂಕಿನ ಸಾಧ್ಯತೆಗಳನ್ನು ಹೆಚ್ಚಿಸುತ್ತದೆ. ನೀವು ಮೂತ್ರ ವಿಸರ್ಜಿಸಿದಾಗ, ನೀವು ಸೂಕ್ಷ್ಮಜೀವಿಗಳನ್ನು ಹೊರಹಾಕುತ್ತೀರಿ. ಆದ್ದರಿಂದ ಮುದ್ದಾಡುವುದನ್ನು ಆನಂದಿಸಿ ಮತ್ತು ನಂತರ ಬಾತ್ರೂಮ್ಗೆ ಹೋಗುವುದನ್ನು ಮರೆಯಬೇಡಿ.
“ಹೆಚ್ಚು ನೀರು ಕುಡಿಯಲು ಮರೆಯಬೇಡಿ,” ಎನ್ನುತ್ತಾರೆ ಮೊಹ್ಸಿನ್. ಹೆಚ್ಚು ಹೈಡ್ರೇಟ್ ಇದ್ದರೆ ಮೂತ್ರವಿಸರ್ಜನೆಗೆ ಸುಲಭ ಮತ್ತು ಹೆಚ್ಚಿನ ಬ್ಯಾಕ್ಟೀರಿಯಾಗಳು ಹೊರಹಾಕಲ್ಪಡುತ್ತವೆ.
-
ಪ್ಯೂಬಿಕ್ ಕೂದಲಿಗೆ ಉದ್ದೇಶವಿದೆ!
ಲೈಂಗಿಕ ಅನ್ಯೋನ್ಯತೆಯ ಸಮಯದಲ್ಲಿ, ಸಂಗಾತಿಗಳು ಪರಸ್ಪರರ ದೇಹದ ಭಾಗಗಳನ್ನು ಸ್ಪರ್ಶಿಸುವುದು ಸಹಜ ಎಂದು ಸಲೂಜಾ ಹೇಳುತ್ತಾರೆ. ಆದರೆ ಕೂದಲುಳ್ಳ ಮತ್ತು ಅಸ್ತವ್ಯಸ್ತವಾಗಿರುವ ದೇಹದ ಭಾಗಗಳು ಸೂಕ್ಷ್ಮಜೀವಿಗಳ ಸಂತಾನೋತ್ಪತ್ತಿಯ ಸ್ಥಳವಾಗಬಹುದು. ಹೀಗಾಗಿ, ಕೂದಲನ್ನುತೆಗೆಯುವುದು ಅಥವಾ ಅದನ್ನು ಅಂದವಾಗಿ ಟ್ರಿಮ್ ಮಾಡುವುದು ಕಡ್ಡಾಯವಾಗಿದೆ.
“ಇದು ಉತ್ತಮ ಅಭ್ಯಾಸವಾಗಿದ್ದರೂ, ಪ್ಯುಬಿಕ್ ಕೂದಲು ಕೆಲವು ಉದ್ದೇಶಗಳನ್ನು ಪೂರೈಸುತ್ತದೆ. ಪ್ಯುಬಿಕ್ ಕೂದಲು ಫೆರೋಮೋನ್ಗಳನ್ನು ಬಿಡುಗಡೆ ಮಾಡುತ್ತದೆ, ಅದು ಪರಸ್ಪರ ಆಕರ್ಷಿಸಲು ಸಹಾಯ ಮಾಡುತ್ತದೆ, ”ಎಂದು ಮೊಹ್ಸಿನ್ ಸೂಚಿಸುತ್ತಾರೆ.
-
ರಾಸಾಯನಿಕ ಮುಕ್ತವಿರುವುದು ಒಳ್ಳೆಯದು
“ಮೌಖಿಕ ಸಂಭೋಗವು ಲೈಂಗಿಕ ಅನ್ಯೋನ್ಯತೆಯ ಮಹತ್ವದ ಅಂಶವಾಗಿದೆ. ಆದರೆ ಅಶುಚಿಯಾಗಿದ್ದರೆ ಪಾಲುದಾರರನ್ನು ಹಿಂಜರಿಯುವಂತೆಮಾಡಬಹುದು. ದೇಹದ ವಾಸನೆಯನ್ನು ತೊಡೆದುಹಾಕಲು ಮತ್ತು ಕ್ರಿಯೆಯ ಮೊದಲು ಉಲ್ಲಾಸವನ್ನು ಅನುಭವಿಸಲು ಸ್ನಾನ ಮಾಡಿ” ಎಂದು ಸಲೂಜಾ ಹೇಳುತ್ತಾರೆ.
ಸಲೂಜಾ ಅವರ ಪ್ರಕಾರ, ದೈಹಿಕವಾಗಿ ಅನ್ಯೋನ್ಯವಾಗಿರುವುದು ನಿಮ್ಮನ್ನು ಪರಸ್ಪರರ ದೇಹಗಳ ಚರ್ಮ ಮತ್ತು ದೇಹದ ದ್ರವಗಳೊಂದಿಗೆ ಸಂಪರ್ಕಕ್ಕೆ ತರುತ್ತದೆ, ಅದು ವೈರಸ್ಗಳು ಅಥವಾ ಬ್ಯಾಕ್ಟೀರಿಯಾಗಳನ್ನು ಹೊಂದಿರುತ್ತದೆ. ಆದ್ದರಿಂದ ಆರೋಗ್ಯಕರ ಲೈಂಗಿಕ ಜೀವನಕ್ಕಾಗಿ ಗಮನಹರಿಸಬೇಕಾದ ಕೆಲವು ವಿಷಯಗಳನ್ನು ಪಾಲಿಸಬೇಕು.
ನಿಮ್ಮ ಜನನಾಂಗಗಳ ಸುತ್ತಲಿನ ಪ್ರದೇಶವನ್ನು (ಒಳಗೆ ಅಲ್ಲ) ಬೆಚ್ಚಗಿನ ನೀರಿನಿಂದ ನಿಧಾನವಾಗಿ ತೊಳೆಯಿರಿ. ಸೌಮ್ಯವಾದ ಸೋಪುಗಳನ್ನು ಸಹ ಬಳಸಬಹುದು.ಸೂಕ್ಷ್ಮ ಚರ್ಮ ಅಥವಾ ಸೋಂಕಿನ ಸಂದರ್ಭದಲ್ಲಿ, ಸೋಪಿನಲ್ಲಿರುವ ರಾಸಾಯನಿಕಗಳು ಚರ್ಮವನ್ನು ಕೆರಳಿಸಬಹುದು.
ಮುಂದೊಗಲನ್ನು ಹೊಂದಿರುವ ಪುರುಷರು ಅದನ್ನು ನಿಧಾನವಾಗಿ ಹಿಂತೆಗೆದುಕೊಳ್ಳಬೇಕು ಮತ್ತು ಅದರ ಕೆಳಗೆ ತೊಳೆಯಬೇಕು.
ಕೆಲವು ಮಹಿಳೆಯರು ನೀರು ಅಥವಾ ದ್ರವಗಳೊಂದಿಗೆ ಲೈಂಗಿಕತೆಯ ನಂತರ ತಮ್ಮ ಯೋನಿಯ ಒಳಭಾಗವನ್ನು ಸ್ವಚ್ಛಗೊಳಿಸುತ್ತಾರೆ. ಈ ಪ್ರಕ್ರಿಯೆಯನ್ನು ಡೌಚಿಂಗ್ ಎಂದು ಕರೆಯಲಾಗುತ್ತದೆ. ಕಡಿಮೆ ಗೊತ್ತಿರುವ ಸತ್ಯವೆಂದರೆ ಡೌಚಿಂಗ್ ಹೆಚ್ಚು ಸೋಂಕುಗಳಿಗೆ ಕಾರಣವಾಗಬಹುದು ಏಕೆಂದರೆ ಇದು ಯೋನಿಯನ್ನು ರಕ್ಷಿಸುವ ಬ್ಯಾಕ್ಟೀರಿಯಾದ ನೈಸರ್ಗಿಕ ಸಮತೋಲನವನ್ನು ಅಸಮಾಧಾನಗೊಳಿಸುತ್ತದೆ. ಸಂಭೋಗದ ನಂತರ ಪಾಲಿಸಬಹುದಾದ ಉತ್ತಮ ಮಾರ್ಗವೆಂದರೆ ಅದನ್ನು ಹಾಗೆಯೇ ಬಿಡುವುದು. ಏಕೆಂದರೆ ಅದು ಸ್ವಾಭಾವಿಕವಾಗಿ ಶುಚಿಯಾಗುತ್ತದೆ.
ಸೌಮ್ಯವಾದ ವಾಸನೆಯು ಸಾಮಾನ್ಯ . ಅದು ಸಮಸ್ಯೆಯ ಸಂಕೇತವಾಗಿರುವುದಿಲ್ಲ ಎನ್ನುವುದನ್ನು ತಿಳಿದುಕೊಳ್ಳಬೇಕು. “ಡೌಚ್ಗಳ ಜೊತೆಗೆ, ಖಾಸಗಿ ಪ್ರದೇಶಗಳನ್ನು ತಾಜಾಗೊಳಿಸಲು ಹಲವು ವೈಪ್ಗಳು, ಕ್ರೀಮ್ಗಳು ಮತ್ತು ಸ್ಪ್ರೇಗಳು ಲಭ್ಯವಿವೆ. ಆದರೆ ಇವುಗಳಲ್ಲಿನ ಕೆಲವು ಕಠಿಣ ರಾಸಾಯನಿಕಗಳು ಅಥವಾ ಸುಗಂಧ ದ್ರವ್ಯಗಳು ನಿಮ್ಮ ಚರ್ಮವನ್ನು ಕೆರಳಿಸುವ ಅಂಶಗಳನ್ನು ಒಳಗೊಂಡಿರಬಹುದು. ಹಾಗಾಗಿ ಸುವಾಸಿತ ಟ್ಯಾಂಪೂನ್ಗಳು, ಪ್ಯಾಡ್ಗಳು, ಪ್ಯಾಂಟಿ ಲೈನರ್ಗಳು, ಪೌಡರ್ಗಳು ಮತ್ತು ಸ್ಪ್ರೇಗಳನ್ನು ತಪ್ಪಿಸಿ ಎಂದು ಮೊಹ್ಸಿನ್ ಸಲಹೆ ನೀಡುತ್ತಾರೆ.
-
ಮುಂಭಾಗದಿಂದ ಹಿಂದೆ ತೊಳೆಯಿರಿ
“ಮೂತ್ರನಾಳದ ಸೋಂಕುಗಳು (UTI) ಮಹಿಳೆಯರಲ್ಲಿ ಸಾಮಾನ್ಯವಾಗಿದೆ ಮತ್ತು ನಿರ್ಲಕ್ಷಿಸಬಾರದು” ಎಂದು ಮೊಹ್ಸಿನ್ ತಿಳಿಸುತ್ತಾರೆ. ಮಹಿಳೆಯರು ಸುಲಭವಾಗಿ ಮೂತ್ರಪಿಂಡದ ಸೋಂಕಿಗೆ ಕಾರಣವಾಗಬಹುದು. ಹಾಗಾಗಿ ಗುದದ್ವಾರದಿಂದ ಸೂಕ್ಷ್ಮಜೀವಿಗಳು ಯೋನಿ ಅಥವಾ ಮೂತ್ರನಾಳದ ಮೇಲೆ ಪ್ರಯಾಣಿಸದಂತೆ ತಡೆಯಲು ಕ್ರಿಯೆಯ ಮೊದಲು ಮತ್ತು ನಂತರ ಯಾವಾಗಲೂ ಮುಂಭಾಗದಿಂದ ಹಿಂದಕ್ಕೆ ತೊಳೆಯುವುದು ಬಹಳ ಮುಖ್ಯ, ”ಎಂದು ಅವರು ಸಲಹೆ ನೀಡುತ್ತಾರೆ. ಲೈಂಗಿಕ ಸ್ವಾಸ್ಥ್ಯ ತಜ್ಞರು ಗುದದ್ವಾರವು ಯಾವಾಗಲೂ ತಮ್ಮ ದೇಹದ ಕೊನೆಯ ಭಾಗವಾಗಿದೆ ಎಂದು ಖಚಿತಪಡಿಸಿಕೊಳ್ಳಿ ಎನ್ನುತ್ತಾರೆ. ಇದರಿಂದ ರೋಗಾಣುಗಳು ದೇಹದ ಇತರ ಭಾಗಗಳನ್ನು ತಲುಪುವುದಿಲ್ಲ.
-
ಸೆಕ್ಸ್ ಆಟಿಕೆಗಳ ಬಗ್ಗೆ ಗಮನವಿರಲಿ
ಬಳಕೆಯ ನಂತರ ಲೈಂಗಿಕ ಆಟಿಕೆಗಳನ್ನು ಸ್ವಚ್ಛಗೊಳಿಸುವುದು ಲೈಂಗಿಕ ನೈರ್ಮಲ್ಯದ ನಿರ್ಣಾಯಕ ಅಂಶವಾಗಿದೆ. ಬಳಕೆಯ ನಡುವೆ ಅಶುದ್ಧವಾಗಿ ಬಿಟ್ಟರೆ, ಶಿಲೀಂಧ್ರಗಳು, ವೈರಸ್ಗಳು ಮತ್ತು ಬ್ಯಾಕ್ಟೀರಿಯಾಗಳು ಸೇರಬಹುದು. ಮತ್ತು ಸೋಂಕುಗಳು ಅಥವಾ ಬಾಹ್ಯವಾಗಿ ಹರಡುವ ರೋಗಗಳು (STD ಗಳು) ಬರಬಹುದು. ವಿಶೇಷವಾಗಿ ತುರಿಕೆ, ದಪ್ಪ ಬಿಳಿ ಸ್ರವಿಸುವಿಕೆ ಅಥವಾ ಸುಡುವಿಕೆಯಂತಹ ಲಕ್ಷಣಗಳು ಕಂಡುಬಂದರೆ ಅಥವಾ ಸೋಂಕುಗಳು ಇದ್ದರೆ ನಿಯಮಿತವಾಗಿ ಪರೀಕ್ಷಿಸಲು ಸಲೋಜಾ ಸಲಹೆ ನೀಡುತ್ತಾರೆ.
-
ತಾಜಾ ಉಸಿರಾಟ
“ಲೈಂಗಿಕ ಸಮಯದಲ್ಲಿ ಕಿರಿಕಿರಿಯಾಗುವ ಇನ್ನೊಂದು ಕಾರಣವೆಂದರೆ ದುರ್ವಾಸನೆಯ ಬಾಯಿ ಅಥವಾ ಉಸಿರಾಟ. ಕ್ರಿಯೆಗೂ ಮೊದಲು ಹಲ್ಲುಜ್ಜುವುದು, ವಾಸನೆಯನ್ನು ತೊಡೆದುಹಾಕಲು ಸ್ವಲ್ಪ ಮೌತ್ ಫ್ರೆಶ್ನರ್ ಅಥವಾ ಪುದೀನಾವನ್ನು ಅಗಿಯುವುದು, ”ಎಂದು ಮುಂಬೈ ಮೂಲದ ಇಂಟಿಮೆಸಿ ಕೋಚ್ ರಾಧಾ ಸಲೂಜಾ ಹೇಳುತ್ತಾರೆ.
-
ಉಗುರು
ಹೈದರಾಬಾದ್ ಮೂಲದ ಲೈಂಗಿಕ ಸ್ವಾಸ್ಥ್ಯ ತಜ್ಞೆ ಶೀಬಾ ಮೊಹ್ಸಿನ್ ಅವರ ಪ್ರಕಾರ, ಆರೋಗ್ಯಕರ ಲೈಂಗಿಕ ಜೀವನಕ್ಕೆ ಪ್ರಮುಖ ವೈಯಕ್ತಿಕ ನೈರ್ಮಲ್ಯ ಸಲಹೆಯೆಂದರೆ ನಿಮ್ಮ ಕೈ ಮತ್ತು ಉಗುರುಗಳನ್ನು ಸ್ವಚ್ಛವಾಗಿರಿಸಿಕೊಳ್ಳುವುದು. ಕೈಗಳು ಅಥವಾ ಉಗುರುಗಳು ಕೊಳಕಾಗಿದ್ದರೆ, ಅವುಗಳಲ್ಲಿ ಹಾನಿಕಾರಕ ಸೂಕ್ಷ್ಮಜೀವಿಗಳನ್ನು ಸಾಗಿಸುವ ಸಾಧ್ಯತೆಯಿದೆ.