మధుమేహం నియంత్రణలో లేకుంటే అకాల వృద్ధాప్యానికి దారి తీస్తుంది. మధుమేహం క్రమంగా కణాలు మరియు కణజాలాలను క్షీణింపజేస్తుందని, వృద్ధాప్య ప్రక్రియను వేగవంతం చేస్తుందని అధ్యయనాలు వెల్లడించాయి.
కేరళలోని తిరువనంతపురంలోని ఇండియన్ ఇన్స్టిట్యూట్ ఆఫ్ డయాబెటిస్ డైరెక్టర్ మరియు సీఈఓ డాక్టర్ పికె జబ్బార్ మాట్లాడుతూ.. సిద్ధాంతపరంగా చెప్పాలంటే, మధుమేహం అకాల వృద్ధాప్యానికి కారణమవుతుంది. ఎందుకంటే ఈ పరిస్థితి చాలా వరకూ శరీరంలో ఆక్సీకరణ నష్టాన్ని కలుగజేస్తుంది. చాలా కణజాలాలు ఆక్సిజన్ ఫ్రీరాడికల్స్కు గురవుతాయి.
రక్తంలో గ్లూకోజ్ స్థాయిని నియంత్రించకపోతే మధుమేహం శరీరంలోని ప్రతి అవయవ వ్యవస్థను కూడా ప్రభావితం చేస్తుంది. న్యూఢిల్లీలోని AIIMSలో ఎండోక్రినాలజీ ప్రొఫెసర్ డాక్టర్ రాజేష్ ఖడ్గావత్ మాట్లాడుతూ.. శరీరంలోని కణాలు జీవక్రియ లేదా శక్తి ఉత్పత్తికి గ్లూకోజ్ను ఉపయోగిస్తాయని చెప్పారు. కాబట్టి గ్లూకోజ్ రక్తం ద్వారా ప్రయాణిస్తే.. ఇన్సులిన్ లేకపోవడం లేదా అసమర్థత కారణంగా కణాలు దానిని ఉపయోగించలేకపోతేఇది అకాల వృద్ధాప్యానికి దారి తీస్తుంది” అని ఆయన చెప్పారు.
మధుమేహం మరియు వృద్ధాప్యం
వృద్ధాప్యం మరియు మధుమేహం సెల్యులార్ సెనెసెన్స్ (వయస్సుతో పాటు క్షీణత) వంటి సమాంతర పరమాణు విధానాల ద్వారా ఒకే విధమైన అవయవ పనిచేయకపోవటానికి దారితీస్తుందని 2019లో డయాబెటోలోజియాలో ప్రచురించబడిన ఒక కథనం పేర్కొంది. వివిధ కణజాలాలలో సెనెసెంట్ కణాల సమృద్ధి వయస్సు, ఊబకాయం మరియు మధుమేహంతో పెరుగుతుంది.
షుగర్ లెవెల్స్ అదుపులో ఉంచుకోవడం వల్ల ఈ సమస్య స్థాయిని తగ్గించుకోవచ్చని నిపుణులు చెబుతున్నారు. సరైన నియంత్రణ లేకపోతే చిక్కులు ఎదురవుతాయని రాజేష్ గాడ్గిల్ అంటున్నారు. మధుమేహం మాత్రమే కాదు, వృద్ధాప్య ప్రక్రియకు అడ్డుకట్ట వేయడానికి లేదా అకాల వృద్ధాప్యాన్ని నివారించడానికి రక్తపోటు మరియు కొలెస్ట్రాల్ వంటి పరిస్థితులను కూడా నియంత్రించాలి. రక్తంలో అధికస్థాయిలో చక్కెరలు ఉంటే పాలీయూరియా(అధిక మూత్రవిసర్జన), పాలీడిప్సియా(అధిక దాహం) పాలీఫాగియా (అధిక ఆకలి) వంటి లక్షణాలు ఉండొచ్చు. ఇది జీవనం యొక్క నాణ్యతను మరింత ప్రభావితం చేస్తుంది” అని ఆయన చెప్పారు.
రక్తంలో చక్కెర అధికంగా ఉండటం వల్ల మీరు పెద్దవారిగా కనిపిస్తారా?
మధుమేహ వ్యాధిగ్రస్తులకు వృద్ధాప్య భావన కలుగుతుందని నిపుణులు చెబుతున్నారు. ఆక్సీకరణ ఒత్తిడి కణాలను దెబ్బతీస్తుంది కాబట్టి మధుమేహం చర్మం వయస్సును పెంచుతుంది అని డాక్టర్ జబ్బార్ అన్నారు. మధుమేహం.. నరాలు మరియు మూత్రపిండాల సమస్యలను కూడా కలిగిస్తుంది. ఇది అంతిమంగా ఆయుర్ధాయంపై ప్రభావం చూపుతుంది.
చిన్న వయస్సులో మధుమేహం వస్తే, మీరు దానిని చాలా కాలంపాటు ఎదుర్కోవాల్సి ఉంటుంది అర్థం. దురదృష్టవశాత్తు మధుమేహాన్ని నియంత్రించలేకపోతే ఇది ఇతర ఆరోగ్య సమస్యలకు దారి తీస్తుంది. ఇది వారి ఆయుర్ధాయాన్ని మాత్రమే కాకుండా ఉత్పాదకతను కూడా తగ్గిస్తుంది అని ఆయన చెప్పారు.
మధుమేహం కారణంగా వచ్చే అకాల వృద్ధాప్యాన్ని ఎలా నివారించాలి?
మధుమేహం అకాల వృద్ధాప్యానికి దారితీయడమే కాకుండా శరీరంలోని అన్ని అవయవాల పనితీరును దెబ్బతీస్తుంది అని డాక్టర్ ఖడ్గావత్ చెప్పారు. ఆరోగ్యకరమైన జీవనశైలిని కొనసాగిస్తూ.. రక్తపోటు వంటి అన్ని ఇతర అంశాలను అదుపులో ఉంచుకుంటే, అకాల వృద్ధాప్యం గురించి ఆందోళన లేదు.
మధుమేహం నుండి వచ్చే సమస్యలను నివారించడానికి వాటిని సమర్థవంతంగా ఎదుర్కోవడానికి నిపుణులు సిఫార్సు చేసిన కొన్ని విషయాలు పరిశీలిద్దాం.
-మంచి పౌష్టికాహారం తినండి.
-మధుమేహం అదుపులో ఉందని నిర్ధారించుకోండి
-మానసిక మరియు సామాజిక వాతావరణాన్ని మెరుగుపరచండి
-డాక్టర్ సూచనల మేరకు మందులు వాడండి
-రోజూ క్రమం తప్పకుండా వ్యాయామం చేయండి.
-యోగాభ్యాసం చేయడం వల్ల మధుమేహం సమస్యలను కూడా తగ్గించుకోవచ్చు.
గుర్తుంచుకోవాల్సిన అంశాలు
-ముఖ్యంగా మధుమేహం నియంత్రణలో లేకుంటే, అకాల వృద్ధాప్యానికి దారితీస్తుంది.
-మధుమేహం వల్ల వచ్చే ఆక్సీకరణ ఒత్తిడి శరీరంలోని కణాలు మరియు కణజాలాల క్షీణతు వేగవంతం చేస్తుంది.
-మధుమేహం గుండె సమస్యలు మరియు న్యూరోపతి వంటి అనేక ఆరోగ్య సమస్యలను కూడా కలిగిస్తుంది. ఇది ఒక వ్యక్తి యొక్క ఆయుర్ధాయంపై ప్రభావం చూపుతుంది.
-అకాల వృద్ధాప్యంతో సహా మధుమేహ సమస్యలను నివారించడానికి కొలెస్ట్రాల్ మరియు బీపీ వంటి ఇతర పరిమితులను కూడా అదుపులో ఉంచుకోవాలి.
-క్రమం తప్పకుండా వ్యాయామం మరియు సమతుల్య ఆహారంతో ఆరోగ్యకరమైన జీవనశైలిని నిర్వహించడం ద్వారా మధుమేహ సమస్యలను నియంత్రించవచ్చు.