అలెర్జీరినిటిస్ నిర్వహణలో వ్యాధి వాహకాలను నివారించడం మరియు పూర్తి ఆరోగ్యాన్ని జాగ్రత్తగా చూసుకోవడం వంటివి ముఖ్యమైన పాత్ర పోషిస్తుందని నిపుణులు చెబుతున్నారు.
2018 సంవత్సరానికి అక్షయ్ రాథోడ్ కి 22 సంవత్సరాలు. ఆ వయస్సులోనే అతను “జలుబు వంటి లక్షణాలను” గుర్తించడాన్ని గమనించారు. జలుబు రావడం మొదలవ్వగానే అతనికి తుమ్ములు రావడం ప్రారంభమైంది. ఒక్కోసారి తుమ్ములు కొన్ని గంటల తరబడి వస్తూనే ఉంటుంది. చల్లటి గాలులు వీచడం వల్ల కూడా తుమ్ములు తగ్గకుండా నిరంతరం రావడానికి కారణమౌతాయి. అందువల్ల అతను బయటకు వెళ్లడానికి కూడా భయపడ్డాడు. అతనికి జలుబుతో పాటు ముక్కు కారటం మరియు కళ్ళ నుండి నీరు కారడం వంటి ఇతర లక్షణాలు కూడా ఉన్నాయి.
అక్షయ్ రాథోడ్ జలుబు మరియు ఇతర లక్షణాలతో బాధపడుతున్నందున అతనికి మానసికంగా, శారీరకంగా బలహీనంగా అయిపోతున్నాననే భావన కలగడం మొదలైంది. దీనితో డాక్టర్ దగ్గరకు వెళ్లి చూపించుకోగా తనకు అలర్జిక్ రినిటిస్ సోకినట్ల నిర్ధారణ అయింది. దీనిని తగ్గించుకోవడం కోసం రెండు నెలల వరకు రాసించిన మందులు వేసుకోవాలని వేసుకొన్న తర్వాత కొంత వరకు తగ్గుతుందని డాక్టర్ చెప్పారు. అయితే, తాను మందులు తీసుకోవడం మానేసినప్పుడు ఆ లక్షణాలు అనేవి తిరిగి రావడం జరిగింది.
తాను దీర్ఘకాలం అనారోగ్యం బారిన పడకుండా ఉండటం కోసం, అతను గ్వాలియర్లోని ఓం హోమియోపతిక్ క్లినిక్‌కు చెందిన డాక్టర్ దేవేష్ పాఠక్‌ను సంప్రదించాడు, అతను తాను ముందు తెలుసుకున్న ట్రీట్మెంట్ గురించి పూర్తిగా అవగాహన చేసుకొన్నతర్వాత అతనికి వేరొక రకమైన మందులను సూచించాడు. ఆ మందులను ఒక నెల తీసుకున్నాక తాను శారీరకంగా మరియు మానసికంగా బాగున్నానని రాథోడ్ చెప్పారు. నాలో ఆరోగ్య లక్షణాలు మెరుగుపడటం ప్రారంభించాయి. అయినప్పటికీ దీర్ఘకాలిక ఆరోగ్యం కోసం ఆరు నెలల వరకు డాక్టర్ పాఠక్ సూచించినందున మందులను నేను తీసుకొంటునే ఉన్నాను.
అలెర్జీరినిటిస్ అంటే ఏమిటి?
బెంగుళూరులోని పద్మ హోమియోపతి హీలింగ్ సెంటర్ కన్సల్టెంట్ అయిన డాక్టర్ భరత్ మంజునాథ్ మాట్లాడుతూ “ఒక వ్యక్తి పుప్పొడి, దుమ్ము లేదా అచ్చు వంటి అలెర్జీ కారకాలతో భాధపడుతుంటే,అతని శరీరంలో కొన్ని తాపజనక రసాయనాలను (హిస్టమిన్ మరియు ప్రోస్టాగ్లాండిన్స్ వంటివి) విడుదల చేయడం ద్వారా రోగనిరోధక వ్యవస్థ అతిగా స్పందిస్తుంది. అది ముక్కు కారడం లేదా మూసుకుపోవడం, తుమ్ములు, దురద మరియు కళ్ళు నీరు కారడం వంటి లక్షణాలకు కారణమవుతుంది.
ఫ్రాంటియర్స్ జర్నల్‌లో ప్రచురించబడిన 2022 అధ్యయనం ప్రకారం, మన రోజువారీ కార్యకలాపాలలో భాగం అయిన నిద్ర, పాఠశాల లేదా పని ఉత్పాదకత వంటి అంశాలను ఈ స్థితి లక్షణం ఎలా ప్రభావితం చేస్తుందనే దాని ఆధారంగా వాటి తీవ్రతను లెక్కిస్తారు.
వేరుశెనగ, గోధుమలు, పాలు వంటి ఆహార పదార్థాలు అలెర్జీకి కారకాలుగా పనిచేస్తాయి. ఇంకా పిల్లి మరియు కుక్క డాండర్ వంటి పెంపుడు జంతువులు కూడా అలెర్జీ కారకాలుగా పనిచేయడంలో ఇంకా చురుకుగా ఉంటాయని అధ్యయనాలలో తెలిసింది. ఇవే కాకుండా ఇంటిలోపలి ఉండే దుమ్ము ధూళి ఇంకా పురుగులు మరియు బొద్దింకలు కూడా అలెర్జీలకు కారకాలుగా మారుతున్నాయి.
ఇలాంటి పరిస్థితి ఒక వ్యక్తి జీవితంలో ఏ సంవత్సరంలోనైనా ఏ సమయంలోనైనా ప్రభావితం చేయగలదు. గాలిలో ఎక్కువ పుప్పొడిని తీసుకువచ్చే ఋతువులలో (వసంత మరియు శరదృతువు) సర్వసాధారణంగా ఉంటుంది.
అలెర్జీరినిటిస్‌లో హోమియోపతి ఎలా పనిచేస్తుంది
ఇతర ఆరోగ్య పరిస్థితుల మాదిరిగానే, హోమియోపతి జీవనశైలిలో మార్పులు మరియు అలెర్జీ రినిటిస్ కోసం మందులను సూచించే ముందు వ్యక్తి జీవితంలోని అన్ని అంశాలను అర్థం చేసుకోవడం చాలా ముఖ్యం అని డాక్టర్ పాథక్ చెప్పారు. ఒక వ్యక్తి యొక్క మానసిక మరియు శారీరక అంశాలు, వైద్య చరిత్ర, కుటుంబ చరిత్ర మరియు ఇతర లక్షణాలు హోమియోపతికి ఉపయోగపడతాయి. “మేము అలర్జిక్ రినిటిస్ లక్షణాలపై మాత్రమే దృష్టి పెట్టకుండా నిద్రలో ఇబ్బంది లేదా ప్రేగు కదలికలు వంటి ఇతర లక్షణాలపై కూడా మేము ప్రాధాన్యతను ఇస్తామని”అని ఆయన చెప్పారు.
అతని ప్రకారం, ఈ సంపూర్ణ విధానం మొత్తం ఆరోగ్య ప్రయోజనాలను అందిస్తుంది. హోమియోపతి యొక్క ఏడు సూత్రాల ఆధారంగా మందులు మరియు జీవనశైలి మార్పులను సూచించటం జరిగింది. అంతేకాకుండా తక్కువగా పునరావృతమయ్యే ఒకే రకమైన ఔషధంను ఎంపిక చేయబడుతుందని, డాక్టర్ పాథక్ చెప్పారు.
హోమియో మందులు లక్షణాల తీవ్రతను మరియు తరుచుగా సంభవించడాన్నిక్రమంగా తగ్గించడంలో సహాయపడతాయి, తద్వారా జీవన నాణ్యతను మెరుగుపరుస్తాయని డాక్టర్ మంజునాథ్ చెప్పారు.
నిపుణుల సూచనలు
- వ్యాధి లక్షణాలను ఎక్కువగా పెంచే వాహకాలను గుర్తించడం మరియు నివారించడం చాలా ముఖ్యం. అంతేకాకుండా పీల్చడం వల్ల వచ్చే అలర్జీల సంఖ్యను కుడా బాగా తగ్గించవచ్చు, ధరించిన ముసుగు అనేది ఓపెన్‌గా లేకుండా ఉండేలా చూసుకోవాలి. వ్యాధి లక్షణాలను తగ్గించటానికి ముసుగును సరిగ్గా శుభ్రంగా ఉండేలా ధరించామా లేదా అని నిర్ధారించుకోండి.
- పరిసరాలను దుమ్ము ధూళి లేకుండా పరిశుభ్రంగా ఉంచుకోవాలి.
- పుప్పొడి రేణువుల సంఖ్య మరియు ఋతువులపై శ్రద్ధ వహించండి మరియు వీలైనంత వరకు బయటకు వెళ్ళకుండా చూసుకోండి.
- తేమ / ధుమ్ము ధూళి ప్రదేశాలలో తరచుగా భూజు పెరుగుతాయి.ఇది చాలా మందికి వ్యాధి కారకంగా పని చేస్తుంది. కాబట్టి ఇంటి లోపల పొడిగా ఉంచండి.
- ఆరోగ్యకరమైన ఆహారం తీసుకోవడం, క్రమం తప్పకుండా వ్యాయామం చేయడం మరియు పని ఒత్తిడిని తగ్గించుకోవడం అనేది పూర్తి ఆరోగ్యాన్ని కాపాడుకోవడానికి మరియు వ్యాధి లక్షణాల తీవ్రతను తగ్గించడానికి సహాయపడతాయి.
