శారీరక శ్రమ నిద్ర నాణ్యతను మరియు వ్యవధిని పెంచుతుంది. కానీ నిద్రపోయే ముందు వ్యాయామం చేయడం మంచిది కాదు.
నిద్ర, వ్యాయామం సరైన పడక స్నేహితులని అంటున్నారు. రాత్రి నిద్ర మంచిగా ఉంటే వ్యాయామ పనితీరును మెరుగుపరుస్తుంది, గాయాల ప్రమాదాన్ని తగ్గిస్తుంది మరియు శరీరం మరియు కండరాలను ఆరోగ్యంగా ఉంచుతుంది. మరోవైపు, నిద్ర లేకపోవడం వల్ల రోగనిరోధక శక్తి బలహీనపడుతుంది.
ఉత్తరప్రదేశ్లోని నోయిడాకు చెందిన 35 ఏళ్ల వ్యాపారవేత్త, ఫిట్నెస్ ఔత్సాహికుడు రాజ్ సిపానీ క్రమం తప్పకుండా వ్యాయామం చేయడం ప్రారంభించిన తర్వాత అద్భుతమైన నిద్ర విధానం యొక్క ప్రయోజనాలను ఎలా ఆస్వాదించారో గుర్తు చేసుకున్నారు.
“నేను ఇప్పుడు పదేళ్లకు పైగా వ్యాయామం చేస్తున్నాను, అభిరుచిగా ప్రారంభించినది ఇప్పుడు నా మోహం(passion )గా మారింది” అని సిపానీ చెప్పారు. “నేను ప్రతిరోజూ వ్యాయామశాలకి వెళ్తాను – ఎక్కువగా పని తర్వాత సాయంత్రం పూట – కేవలం ఫిట్నెస్ కోసం మాత్రమే కాదు, [ఎందుకంటే కూడా] ఇది రోజువారీ ఒత్తిడి మరియు ఆందోళనను తగ్గిస్తుంది. వ్యాయమం తరువాత ఎండార్ఫిన్లు విడుదల అయ్యి నా శరీరం తేలికగా మరియు తాజాగా మారి నాకు మంచి, గాఢమైన నిద్ర వస్తుంది ఇది మరుసటి రోజు సంతోషకరంగా ఉండటానికి ఉపయోగపడుతుంది.
నిద్ర, వ్యాయామం సంబంధం ఎలా ఉంటుంది
వ్యాయామం మెదడులో ఎక్కువ అడెనోసిన్ను సృష్టించడం ద్వారా రసాయన ప్రభావాన్ని చూపుతుంది మరియు అడెనోసిన్ మనకు నిద్రను కలిగిస్తుంది. కొన్ని ఇటీవలి అధ్యయనాలు అధిక–తీవ్రత కలిగిన వ్యాయామం, నిద్రను ప్రోత్సహించే పదార్ధం అడెనోసిన్ యొక్క గణనీయమైన పెరుగుదలకు దారితీస్తుందని కనుగొన్నారు.
శారీరక శ్రమ శరీరం అలసిపోవడానికి దారితీస్తుందని మరియు అందువల్ల నిద్రను పెంచుతుందని విస్తృతంగా అర్థం చేసుకోబడింది. ముఖ్యమైనది ఏమిటంటే, ఇది మొత్తం ఆరోగ్యానికి పెద్ద ఎత్తున దోహదం చేస్తుంది. ఎందుకంటే శారీరక శ్రమ వల్ల నిద్ర నాణ్యతతో పాటు వ్యవధి కూడా మెరుగుపడుతుందని ఢిల్లీలోని అపోలో హాస్పిటల్స్ న్యూరో సర్జన్ డాక్టర్ సుధీర్ కుమార్ త్యాగి చెప్పారు. నిద్రలేమితో బాధపడేవారికి ఇది ఒక రకమైన చికిత్స అని, నిద్రమాత్రల వాడకాన్ని ఆపడానికి సహాయపడుతుందని, ఇది దీర్ఘకాలికంగా హానికరం అని చెప్పారు”.
పెద్దవారిలో నిద్ర నాణ్యత మరియు నిద్రలేమిపై వ్యాయామం యొక్క ప్రభావాలపై 2021, జూన్ నెలలో జరిపిన అధ్యయనంలో, సాధారణ శారీరక మరియు మనస్సు– శరీర వ్యాయామాలు ప్రధానంగా పెద్దవారిలో శారీరక నిద్ర నాణ్యత కంటే సబ్జెక్టివ్గా నిద్ర నాణ్యతను మెరుగుపరిచాయని కనుగొన్నారు.
ఢిల్లీకి చెందిన 29 ఏళ్ల కాపీ రైటర్ జెస్మిన్ సింగ్ వైద్యుల సలహా మేరకు యోగా, డ్యాన్స్, పైలేట్స్ను తన ఫిట్నెస్ రొటీన్కు జోడించింది. “నాది డెస్క్ ఉద్యోగం ఉంది, కాబట్టి నేను శారీరకంగా చాలా చురుకుగా లేను మరియు రాత్రులలో నిద్రపోవడానికి ఇబ్బంది పడుతున్నాను” అని ఆమె చెప్పింది. “ఇప్పుడు, నేను పని మరియు నా శారీరక పనుల తరువాత అలసిపోతున్నందున నేను బాగా నిద్రపోతాను.
నిద్రపోయే ముందు ఎక్కువగా వ్యాయామం చేయవద్దు
కానీ నిద్రపోయే ముందు చేసే అధిక–శ్రమతో కూడిన వ్యాయామాలు చాలా మందిలో నిద్ర విధానాలకు ఆటంకం కలిగిస్తాయి – అథ్లెట్లను మినహాయించి, వారి శరీరాలు పూర్తిగా వేరే స్థాయి కార్యకలాపాలకు అలవాటు పడతాయి.
2019 అధ్యయనం ప్రకారం, నిద్రపోయే ముందు వ్యాయామం చేయడం .. నిద్ర నాణ్యత మరియు నిద్రపోవడానికి పట్టే సమయంపై ప్రతికూల ప్రభావాలను చూపుతుంది. కాబట్టి, పడుకోవడానికి ఒక గంట ముందు వ్యాయామం చేయడం శరీరానికి నిద్రపరంగా మంచిది కాదు.
మంచి నిద్ర మరియు మంచి ఆరోగ్యం
“మనం ఆరోగ్యంగా ఉన్నామా లేదా అని తనిఖీ చేయాల్సినప్పుడు, మనం సహజంగా నిద్రపోగలమా మరియు సహజంగా మేల్కొనగలమా అని చూడాలి” అని ఉత్తరప్రదేశ్లోని నోయిడాలోని మైండ్, బాడీ అండ్ వెల్నెస్ క్లినిక్ పోషకాహార నిపుణురాలు మరియు జీవనశైలి నిర్వహణ సలహాదారు డాక్టర్ పల్లవి అగా చెప్పారు. “అది నిజంగా మంచి ఆరోగ్యానికి చిహ్నం.”
వ్యాయామం శరీరంలో వెల్బీయింగును శ్రేయస్సును ప్రోత్సహిస్తుందని, శరీరం బలంగా మరియు మెరుగ్గా మారుతుందని ఆమె చెప్పారు. నిద్రవేళకు దగ్గరగా ఎక్కువ వ్యాయామం చేయడం మంచిది కాదు. “రోజంతా సంతోషకరమైన హార్మోన్ల ప్రయోజనాన్ని పొందడానికి ఉదయం వ్యాయామం చేయమని నేను ఎల్లప్పుడూ చెబుతాను” అని వైద్యుడు అగా చెప్పారు.